Алматы қаласындағы Кәркен Ахметов атындағы олимпиада резервінің республикалық мамандандырылған мектеп-интернат-колледжі жас спортшыларды спорттың сан түріне шынықтыратын және тәрбиелейтін еліміздегі спорт мектептерінің ішіндегі үздіктерінің бірі болып саналады. Бұл мектеп-интернат-колледжінде спорттың басқа да түрлерімен қатар су спортын дамыту жақсы жолға қойылған. Оқушыларды суға жүзу спортының небір тәсілдерін меңгеру үшін мұнда білікті де тәжірибелі жаттықтырушылар жұмыс істейді. Осы орайда мектеп-интернат-колледжінің өз бассейні бар. Биыл осы бассейн күрделі жөндеуден өткізілді. Бассейнді жөндеуге өте берік заманауи құрылыс материалдары қолданылды. Соның нәтижесінде мектеп оқушылары заман талабына сай бассейнде жаттығуға мүмкіндік алады. Бұл жерде біздің жүзу, синхромды жүзу, су добы, бессайыс тағы да басқа спорт түрлерімен айналысады. Осы заманауи бассейнде жаттыққан оқушыларымыз ертеңгі күні талай әлемдік спорт додаларында қазақтың туын биікке көтереді деп сенеміз.
