2022 жылы маусымның 3-де К.Ахметов атындағы мектеп-интернат-колледж оқушыларымен Алматы қаласындағы хайуанаттар бағына демалыс ұйымдастырылды. Мақсатымыз:1. Жануарларды қорғауға және оларға қамқор болуға тәрбиелеу; 2. Жануарлар әлемінің түрлерін оқушыларға көрсету, сирек кездесетін, жойылып бара жатқан жануарлар туралы мағлұмат беру. Алматы хайуанаттар бағы 1937 жылы құрылған. Жер көлемі 54 га. 7 секцияда хайуанаттардың 530-дан аса түрінің 5900-дей данасы тіршілік етеді. 77 түр Халықаралық табиғат қорғау одағының, ТМД және Қазақстанның «Қызыл кітабына» енгізілген.Алматы хайуанаттар бағы сирек кездесетін және жойылып бара жатқан жабайы жануарларды қорғау жөніндегі көптеген халықараралық бағдарламаларға қатысады.
