2024 жылдың 16 ақпан күні К.Ахметов атындағы олимпиада резервінің мамандандырылған мектеп-интернат-колледжінде Ауған соғысының аяқталуына 35-жыл толуына байланысты «Ауғанның отты жалыны» тақырыбында ардагер генерал-лейтенант Иванов Иван Ивановичпен кездесу кеші өтті. Тәрбиелік іс-шараны ұйымдастырушылар мектебіміздің алғашқы әскери дайындық және технологиялық дайындық пәнінің ұйымдастырушы оқытушысы Оспанов Ғ.Д , колледж оқытушылары Карынбаева А.Н және Мананова А. М.
Тәрбие сағатының мақсаты: Ауған соғысының тарихи мағынасын ашып, оқушыларға, білім алушыларға түсіндіру.
“Ауған соғысы” жайлы тереңірек біліп тану, соғыс ардагерлері туралы толығырақ мәлімет беру.
Кездесу кешінің тәрбиелік мақсаты: Ауған соғысының ардагерлерін құрметтеу, жас ұрпақтың патриоттық сезімдерін оятып, Отан үшін отқа түсіп қыршынынан қиылған,жат жерде көз жұмған Қазақстан азаматтарын еске алу, жауынгерлердің қысқа ғұмырынан үлгі-өнеге мен тарихи тағылым беру, оқушыларды елжандылыққа, отансүйгіштікке, ізгілікке баулу.
Ардагер генерал-лейтенант Иванов Иван Ивановичке оқушылар өз ойындағы сұрақтарын қойып, қойылған сұрақтарға тамаша жауап беріп, Ауған соғысында болған соғыс кезіндегі оқиғаларды әсерлі жеткізе білді. Кездесу кешінен оқушылар мен білім алушылар Ауған соғысы жайлы көп мағлұматтар алды.
Кездесу кешінің қонағы Ауған соғысының ардагері генерал-лейтенант Иванов Иван Иванович мектеп әкімшілігі атынан Алғыс хатпен марапатталды.
