Біздің болашақ чемпиондарымыздың күнделікті рационы ет тағамдарынан, түрлі көкөністер мен жемістерден құралады. Олар үшін калорийді қатаң есептеу арқылы бес мезгіл тамақтану қарастырылған. Мысалы, спортшыларымыздың таңғы асына ботқа, котлет, пісірілген жұмыртқа, сары май, ірімшік, жеміс шырыны, тәтті тоқашпен шай беріледі.
Негізгі менюде өсіп келе жатқан спортшыларға аса қажетті ақуыздар, майлар, көмірсулар мен дәрумендер керекті мөлшерде қамтылған. Балалар толыққанды тамақтанумен қамтамасыз етіліп отыр, бұл дегеніңіз- олардың жаттығулар сапасына айтарлықтай ықпал етеді. Нәтижесінде, бұл жарыстың қорытындысын өзгертіп, үлкен жеңістер мен батыл қадамдарға алып келеді.
