Қазақстан Республикасы Мәдениет және спорт министрлігі аппаратының басшысы Ахметов Жанат Сабыржанұлы Алматы қаласындағы іс-сапар кезінде Каркен Ахметов атындағы Олимпиада резервінің республикалық мамандандырылған мектеп-интернат-колледжіне барды. Мекеме басшысы Ернар Таласбекұлы спорт мектебіміздің тыныс-тіршілігімен таныстырып, алдағы уақытта жүзеге асатын жұмыстар бойынша ақпарат берді. Кездесу барысында Ернар Таласбекұлы спорт мектебімізде ағымдағы жылы жөндеу жұмыстары жүргізілгендігін атап өтті. Сонымен қатар Жанат Сабыржанұлы мекеме аумағында орналасқан ғимараттар мен спорт кешендерін аралап, спортшыларымыздың жаттығу процестеріне қатысты. Кездесу соңында аппарат басшысы жас спортшыларға сәттілік тіледі.
