Кәркен Ахметов атындағы олимпиада резервінің республикалық мамандандырылған мектеп-интернат-колледжінде 7 мамыр Қазақстанның Отан қорғаушылар күніне орай 7-8 сыныптар арасында «Жігіт сұлтаны – 2022» байқауы ұйымдастырылды. Бұл байқаудың мәні мен мағынасын оқушыларға түсіндіре келіп, директордың тәрбие жөніндегі орынбасары Тулепбекова С.О. байқауды ашық деп жариялады. Жігіт сұлтаны байқауына алдын- ала іріктелген бес жігіт қатысты.
Байқаудың мақсаты: Жігіттерімізді батырлыққа, шешендікке, тапқырлыққа, имандылыққа тәрбиелеу, сегіз қырлы, бір сырлы демекші жігіттерді жан-жақтылыққа баулу.1) Әр баланың бойындағы қабілеттерін ойлау, әр түрлі жағдайлардан шыға білу, өнерін көрсету, тапқырлық, сахна мәдениетін қалыптастыру, дамыту. 2) Ата салтын ардақтайтын, өз елін сүйер нағыз қазақ жігітінің қасиеттерін бойына сіңіре білер ұрпақты тәрбиелеу.
Жігіт сұлтанының байқауы 5 кезезеңнен тұрды:1. «Тегімді менің сұрасаң…» 2. «Көңілі ояу, көзі ашық» 3. «Әке көрген оқ жонар, ..». 4. «Мақал сөздің атасы» 5. «Күш атасын танымас». Жігіт сұлтаны байқауының бірінші кезеңінде сынға түскен үміткерлер өздерін жыр шумақтарымен таныстырып өтті. Екінші кезеңде жарысқа қатысушылар әр түрлі логикалық сұрақтарға жауап берді. Үшінші кезеңінде жігіттер өнердің әр саласынан өз қабілеттерін байқатты. Олардың бірі сурет салса, екіншілері мәнерлеп тақтақ оқыды. Ал басқалары спорттық гимнастиканың элементтерін көрсетті. Төртінші кезеңде жігіттер қазақтың мақал-мәтелдерін қаншалықты білетіндіктерін көрсетті. Ал енді «Күш атасын танымас» атты бесінші кезеңінде оқушылар қол күрестіруден, көлденең жатып еденнен серпілуден, гір көтеруден, асық атудан, нысана көздеуден, түймені дұрыс қадаудан өз күштерін байқатты. Жарыс соңында құрамында болған әділқазылар алқасы үміткерлердің өнерлерін сарапқа салып, әділетті шешім шығарды. Жігіт сұлтанында қойылған барлық талаптарға сай өнер Құрманғазы Элдар бас жүлдені жеңіп алды. Бірінші орынға Таласбай Бекзат ие болды. Мұрат Әлішер екінші орынға иеленді. Үшінші орынды Әмірболат Заңғар мен Қайым Айбар өзара бөлісті.Байқау барысында мектебіміздің көркемөнерпаздары өз өнерлерін көрсетті. Жарыс соңында мектебіміздің әдіскері Татьяна Владимировна жарыс жеңімпаздарын құттықтап, оларға толағай табыс тіледі. Әділқазылар алқасының төрағасы, алғашқы әскери дайындық пәнінің мұғалімі Оспанов Ғ.Д. жарысқа қатысушылар мен жанкүйерлерді келе жатқан Отан қорғаушылар күнімен құттықтап, Ұлы Отанымызды қорғау Қазақстандағы әрбір азаматтың қасиетті борышы екенін атап өтті. Жарысқа қатысқан жеңімпаздардың барлығы да арнайы дипломдармен марапатталды. Және оларға сый-сияпаттар табысталды. 7-мамыр Отан қорғаушылар күніне арналып өткізілген бұл іс-шара жасөспірімдер жүрегінде патриоттық сезімде жаңа деңгейге көтергені сөзсіз. Ұйымдастырушылар: Сексенбаева Г.К., Нусипова А.М., Мұрат Н., Шарапат С.
