Жаңа жыл- бұл тамаша мейрам. Жатақхана мен мектеп іші мерекеге сай безендірілген. Фотосуретке түсем деушілерге залда мерекелік жаңа жылдық фото алаңы орнатылды. Жаңа жыл мейрамын достар мен сыныптастар арасында атап өту біздің мектептің жақсы бір дәстүріне айналған. 22 желтоқсан күні біздің мектептің акт залында «Жаңа жыл кешінде» атты жаңа жылдық іс-шара өткізілді. Залдың төрінде кештің сәні болған әдемі шырша балалардың өз қолымен безендірілген. Біздің мектепте бірнеше жылдан бері «Жаңа жыл ертегісі» атты жақсы дәстүр қалыптасқан. Бұл жылы да біздің кешіміздің қонақтары Аяз Ата (Аукеш Медеу) және шоу-бизнес жұлдызы болғысы келетін Ақшақармен (Зайцева Татьяна) кездесті. Ақшақар Верка Сердючка (Оспанова Алия) мен Бремен музыканттарының (Проскуряков Максим, Мейрамов Арыстан, Кокушев Науан, Тимофеев Владислав) көмегімен нота танымайтын болса, продюсері жоқ болса т.с.с. жұлдыз бола алмайтынын түсінді. Бірақ, ол Кощеймен (Нариман Руслан), Лешиймен (Черныш Данила), Баба Яга (Аширов Абдувалижан) және оның әпкесімен (Кокушев Науан) кездесіп қалады. Олар атақты продюсерлер болып алдап, сыйлықтарды өздері алғысы келеді. Қитұрқы жоспарларын Серікболсын Сайлаубектің (Исмагулов Бекжан) ән айтуымен жасайды, аңқау Ақшақарды басқа әншілердің әнін айтатын Ақшақар-Дэнске айналдырып жібереді. Аяз ата сиқырлы таяғымен көмектеспейді, оның орнына Ақшақарды өз қателігін өзі жөндеуге жібереді. Қонақтар мерекелік кештің қызығына батып, көңілді би биледі (Почекутова Мария, Зайцева Анна, Федорович Игнат), түрлі ойын жарыстарына қатысты. Кеш соңында Аяз ата мен Ақшақар барлығын келе жатқан жаңа 2022 жылмен құттықтады. Содан соң жаңа жылдық флешмобқа қатысуға шақырды. Кештің диджейі- Ерёмин Александр. Қойылымға қатысқандар: Ратина Н.В.(тәрбиеші), Айтбаева Л.К.(мұғалім), Шарапат С.А.(тәрбиеші).
